2019-yilning oktabr oyida Samarqand viloyatining Payariq tumanida qasddan odam o‘ldirgan ikki o‘qituvchiga jinoyat ishi qo‘zg‘atilgani haqida xabar berildi. Samarqand viloyati jinoyat ishlari bo‘yicha viloyat sudi sudya katta yordamchisi Otabek Qodirovga tayanib, Zarnews’ning ma’lum qilishicha, ushbu ikki o‘qituvchiga nisbatan sud jarayonlari boshlangan.
Jinoyat ishidagi hujjatlarga ko‘ra, Payariq tumani xalq ta’limi bo‘limiga qarashli 40-umumta’lim maktabi o‘qituvchisi vazifasida ishlab kelgan fuqaro o‘ta og‘ir jinoyatni qasddan sodir etgan.
Jumladan, S.A. 2019-yil 23-oktabr kuni 40-umumta’lim maktabi o‘qituvchisi, ya’ni ammavachchasi B.X. bilan o‘zlari yashab kelayotgan Payariq tumani Nakurt mahallasi Qo‘shilish qishlog‘ida yashovchi Sh.Ch.ning yashash uyida bo‘lgan to‘y marosimida spirtli ichimlik iste’mol qilgan.
Spirtli ichimlik ta’sirida bo‘lgan o‘qituvchilar soat 18:00 da uyga qaytayotgan vaqtida qishloq ichki yo‘li bo‘ylab Qo‘shrabot tumani Quvkalla qishlog‘ida yashovchi, Payariq tumani veterinariya va chorvachilikni rivojlantirish bo‘limi mudiri S.U. bilan yuzaga kelgan kelishmovchilik oqibatida qasddan uni urib o‘ldirgan.
Sobiq o‘qituvchilarga nisbatan 2019-yil 25-oktabr kuni qamoq ehtiyot chorasi qo‘llanilgan.
Mavzuga doir:
Izoh (0)