O‘zbekiston Transport xavfsizligini ta’minlash sohasida Mustaqil Davlatlar Hamdo‘stligi ishtirokchi davlatlarining informatsion hamkorligi to‘g‘risidagi Bitimiga qo‘shilishi bo‘yicha Prezident qarori loyihasi O‘zbekiston Respublikasi normativ-huquqiy hujjatlar loyihalari muhokamasi portaliga joylashtirilgan.
Hujjatga ko‘ra, mamlakat 2014-yil 30-mayda Minsk (Belarus Respublikasi) shahrida imzolangan Transport xavfsizligini ta’minlash sohasida Mustaqil Davlatlar Hamdo‘stligi ishtirokchi davlatlarining informatsion hamkorligi to‘g‘risidagi Bitimiga qo‘shilishi rejalashtirilgan.
Loyihada Transport vazirligi va Ichki ishlar vazirligi ushbu xalqaro shartnomani amalga oshirishga mas’ul vakolatli organ etib belgilangan.
Shuningdek, hujjat loyihasida Tashqi ishlar vazirligi O‘zbekistonning ushbu xalqaro shartnomaga qo‘shilishi va uni amalga oshirishga mas’ul vakolatli organlar to‘g‘risida tegishli xabarnomani depozitariyga yuborishi, Vazirlar Mahkamasi, tegishli vazirlik va idoralar rahbarlari ushbu xalqaro shartnoma kuchga kirganidan so‘ng o‘rnatilgan tartibda O‘zbekistonning xalqaro majburiyatlari bajarilishining nazoratini ta’minlashi qayd etilgan.
Izoh (0)