Jizzax shahrida joriy yilning 31-yanvar kuni S.X. o‘zning homilador turmush o‘rtog‘ini yoqib yubordi. Bu haqda Jizzax viloyati prokuraturasi xabar berdi.
Ma’lum qilinishicha, 31-yanvar kuni soat 13:00 da fuqaro S.X. Jizzax shahar Mustaqillik ko‘chasida joylashgan ko‘p qavatli 14-uyning liftida turmush o‘rtog‘i M.U.ning ustiga benzin sepib, uni yoqib yuborgan. Qayd etilishicha, S.X. rafiqasini boshqa erkaklar bilan ishqiy munosabatda bo‘lib kelganlikda gumon qilgan va shu sababli u bilan janjallashib, mazkur ishga qo‘l urgan.
Mazkur holat yuzasidan Jizzax shahar prokuraturasi tomonidan fuqaro S.X.ga nisbatan O‘zbekiston Respublikasi Jinoyat kodeksining tegishli moddasi bilan jinoyat ishi qo‘zg‘atilib, hozirda shahar prokuraturasi tomonidan dastlabki tergov harakatlari olib borilmoqda.
Izoh (0)