AQShda bo‘lib o‘tgan boks kechasida (31-yanvar, juma kuni) ikkinchi yarim yengil vazn (-55, 34 kg) toifasida WBA va IBF kamarlarini qo‘lga kiritgan Murodjon Ahmadaliyev Toshkentga 3-fevral, dushanba kuni qaytib keldi.
Sportchini kutib olish marosimida Prezident maslahatchisi Abdujabbor Abduvohidov, bosh vazir o‘rinbosari Ochilboy Ramatov, jismoniy tarbiya va sport vaziri Dilmurod Nabiyev, shuningdek, bokschining yaqinlari va OAV vakillari ishtirok etdi, deya xabar beradi “Daryo” muxbiri.
Toshkentdagi Olimpiya shon-shuhrati muzeyida sportchini taqdirlash marosimi o‘tkazilib, unda bosh vazir Abdulla Aripov ham ishtirok etdi. Tadbirda Ahmadaliyevga “O‘zbekiston iftixori” faxriy unvoni, bundan tashqari Prezident sovg‘asi sifatida Chevrolet Tracker avtomobili va poytaxtdan 3 xonali uy kaliti topshirildi.
Murodjon uy kalitini onasiga, mashinaniki esa dadasiga sovg‘a qildi.
Izoh (0)