Bekobod shahrida Isuzu avtobusi ishtirokida 2-fevral kuni soat taxminan 12:00 larda yo‘l-transport hodisasi ro‘y berdi. Bu haqda IIV matbuot xizmati xabar berdi.
Bekobodning Me’mor ko‘chasida joylashgan aylanma harakatlanish joyida sodir bo‘lgan YTHga avtobus old balonining tormozlanib qolishi sabab bo‘lgan. Buning oqibatda avtobus o‘ng tomonga ag‘darilib ketgan. Avtobus ichidagi 20 nafar yo‘lovchidan 3 nafari tez tibbiy yordam ko‘rsatish uchun shahar shoshilinch tez tibbiy yordam markaziga, 1 nafari esa Respublika shoshilinch tez tibbiy yordam ilmiy markaziga yuborilgan.
Bekobod markaziy bozoridan Sirdaryoning Shirin shahridagi GES tomonga yo‘l olgan avtobus haydovchisi harakatlanish vaqtida hushyor holatda bo‘lgani aniqlangan.
Izoh (0)