Murodjon Ahmadaliyev (8-0, 6 KO) professional boksning ikkinchi yarim yengil vazn (-55,34 kg) toifasidagi chempionlik jangida Daniel Romanni (27-3-1, 10 KO) taslim etdi.
Mazkur g‘alaba orqali Ahmadaliyev WBA Super va IBF kamarlariga ega chiqdi. Murodjon professional boksda eng tez (8 ta jangda) bir yo‘la ikkita chempionlik kamarini qo‘lga kiritishga erishdi va Jahon rekordini takrorladi. Bundan 42 yil avval, 1978-yilning 15-fevralida Leon Spinks professional boksdagi sakkizinchi jangida Muhammad Alini mag‘lub etgan holda WBC va WBA kamarlarini qo‘lga kiritgandi.
Bundan tashqari, Rio Olimpiadasi sovrindori ikkita chempionlik kamariga ega chiqqan ilk o‘zbekistonlik bokschi bo‘ldi.
Izoh (0)