“Manchester Yunayted” Markos Roxoni ijaraga berib yubordi
“Manchester Yunayted” himoyachisi Markos Roxo jamoani tark etdi.
“Qizil iblislar” Roxoni Argentinaning “Estudiantes” jamoasiga ijaraga berib yubordi.
Argentinaliklar klubi o‘z Twitter’ida Roxoni qaytishini ma’lum qildi. Futbolchi “Estudiantes” tarbiyalanuvchisi hisoblanib, professional futboldagi faoliyatini shu klubda boshlagan.
Taxminlarga ko‘ra, Roxo mavsum oxirigacha mazkur klubda o‘ynaydi.
Roxoning “Estudiantes”ga o‘tishida “Manchester Yunayted”ning sobiq yarim himoyachisi Xuan-Sebastyan Veron muhim rol o‘ynagan. Roxo ko‘proq o‘yin amaliyotiga ega bo‘lgan holda yozda o‘tadigan Amerika Kubogida qatnashishga umid qilmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
