Guardian Media Group ёқилғи қазиб чиқарувчи компанияларни реклама қилишдан воз кечишга қарор қилди, дея хабар беради Meduza The Guardian нашрига асосланиб.
Эндиликда медиахолдингнинг барча нашрлари, яъни The Guardian, Observer ва Guardian Weekly’да нефть ва газ компаниялари материаллари чоп этилмайди.
Ушбу қарор иқлим билан боғлиқ фавқулодда ҳолат туфайли қабул қилингани айтилмоқда.
Журналистларнинг экологлар фикрини келтиришича, энергетика корпорациялари ҳаққоний бўлмаган экологик маркетингга катта маблағ сарфлайди.
Улар қайта тикланувчи энергетика манбаларига нисбатан кам инвестиция киритилаётганини таъкидлаб, нефть ва газдан даромад олишда давом этмоқда.
Guardian Media Group даромадининг 40 фоизи реклама ортидан келади. Шунинг учун нефть-газ соҳасидаги рекламалардан воз кечиш келгусида компания молиявий аҳволига зарар келтириши айтилмоқда.
Изоҳ (0)