Toshkentning “Bunyodkor” klubi 28-yanvar, seshanba kuni Osiyo Chempionlar Ligasi uchinchi saralash bosqichida “Al-Ayn”ga qarshi bahs olib boradi.
Birlashgan Arab Amirliklarining Al-Ayn shahrida bo‘lib o‘tadigan bahs Toshkent vaqti bilan 19:40 da boshlanadi. Uchrashuvni Ko Hyun Jin boshchiligidagi Janubiy koreyalik hakamlar guruhi boshqarib boradi.
Vadim Abramov jamoasi 2-saralash bosqichida Iroqning “Az-Zavra” klubini mag‘lub etib (4:1), ushbu bosqichga yo‘l olgandi. Mazkur o‘yin g‘olibi Chempionlar Ligasining guruh bosqichiga yo‘llanma oladi.
28-yanvar kuni shuningdek, Odil Ahmedov harakat qilayotgan Xitoyning “Shanxay SIPG” klubi “Buriram Yunayted”ga qarshi bahs olib boradi. Yana bir o‘zbekistonlik futbolchi Ikrom Aliboyev to‘p suradigan “Seul” jamoasi esa “Kedah”ni qabul qiladi. Avvalgi bosqichda “Lokomotiv”ni taslim etgan “Istiqlol” Jiddada “Al-Ahli” bilan kuch sinashadi.
OChL—2020
Uchinchi saralash bosqichi
28-yanvar, seshanba
12:00. “Shanxay SIPG” (Xitoy) — “Buriram Yunayted” (Tailand)
15:00. “Seul” (Janubiy Koreya) — “Kedah” (Malayziya)
19:40. “Al-Ayn” (BAA) — “Bunyodkor” (O‘zbekiston)
22:30. “Al-Ahli” (Saudiya Arabistoni) — “Istiqlol” (Tojikiston)Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)