Тошкентнинг «Бунёдкор» клуби 28 январь, сешанба куни Осиё Чемпионлар Лигаси учинчи саралаш босқичида «Ал-Айн»га қарши баҳс олиб боради.
Бирлашган Араб Амирликларининг Ал-Айн шаҳрида бўлиб ўтадиган баҳс Тошкент вақти билан 19:40 да бошланади. Учрашувни Ко Ҳюн Жин бошчилигидаги Жанубий кореялик ҳакамлар гуруҳи бошқариб боради.
Вадим Абрамов жамоаси 2-саралаш босқичида Ироқнинг «Аз-Завра» клубини мағлуб этиб (4:1), ушбу босқичга йўл олганди. Мазкур ўйин ғолиби Чемпионлар Лигасининг гуруҳ босқичига йўлланма олади.
28 январь куни шунингдек, Одил Аҳмедов ҳаракат қилаётган Хитойнинг «Шанхай СИПГ» клуби «Бурирам Юнайтед»га қарши баҳс олиб боради. Яна бир ўзбекистонлик футболчи Икром Алибоев тўп сурадиган «Сеул» жамоаси эса «Кедаҳ»ни қабул қилади. Аввалги босқичда «Локомотив»ни таслим этган «Истиқлол» Жиддада «Ал-Аҳли» билан куч синашади.
ОЧЛ—2020
Учинчи саралаш босқичи
28 январь, сешанба
12:00. «Шанхай СИПГ» (Хитой) — «Бурирам Юнайтед» (Таиланд)
15:00. «Сеул» (Жанубий Корея) — «Кедаҳ» (Малайзия)
19:40. «Ал-Айн» (БАА) — «Бунёдкор» (Ўзбекистон)
22:30. «Ал-Аҳли» (Саудия Арабистони) — «Истиқлол» (Тожикистон)Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)