Xitoyning Uxan shahrida yangi koronavirus bilan kasallanganlar uchun ikkinchi gospital quriladigan bo‘ldi. Bu haqda “Kommersant” xabar bermoqda.
24-yanvar kuni Uxanda virusni yuqtirganlar uchun birinchi kasalxona qurilishi boshlangandi. Uni 2-fevralda bitkazish rejalashtirilgan. 25 ming kvadrat metr maydondagi kasalxona mingga yaqin bemorni qabul qilishi mumkin.
25-yanvar kuni Uxanda 15 kun ichida 1,3 ming kishiga mo‘ljallangan yana bir gospital barpo etish to‘g‘risida qaror qabul qilindi.
Ma’lumot uchun, yangi koronavirus bilan kasallangan soni hozirga kelib 1 355 kishiga yetdi. Kasallikdan shu kungacha 41 kishi vafot etdi.
Izoh (0)