Хитойнинг Ухань шаҳрида янги коронавирус билан касалланганлар учун иккинчи госпитал қуриладиган бўлди. Бу ҳақда «Коммерсантъ» хабар бермоқда.
24 январь куни Уханда вирусни юқтирганлар учун биринчи касалхона қурилиши бошланганди. Уни 2 февралда битказиш режалаштирилган. 25 минг квадрат метр майдондаги касалхона мингга яқин беморни қабул қилиши мумкин.
25 январь куни Уханда 15 кун ичида 1,3 минг кишига мўлжалланган яна бир госпитал барпо этиш тўғрисида қарор қабул қилинди.
Маълумот учун, янги коронавирус билан касалланган сони ҳозирга келиб 1 355 кишига етди. Касалликдан шу кунгача 41 киши вафот этди.
Изоҳ (0)