Prezident Shavkat Mirziyoyev 24-yanvar kuni Oliy Majlisga Murojaatnomasi davomida ommaviy axborot vositalari sohasi haqida ham fikr bildirib o‘tdi.
Davlat rahbarining ta’kidlashicha, o‘tgan uch yil mobaynida O‘zbekistonda so‘z erkinligini ta’minlash, OAVni har tomonlama rivojlantirish, jurnalist va blogerlarning erkin faoliyat yuritishi va ijod qilishi uchun huquqiy asoslar va keng imkoniyatlar yaratildi.
“Bundan keyin ham ‘to‘rtinchi hokimiyat’ vakillarining erkin va xolis faoliyat yuritishlari, respublikamizda amalga oshirilayotgan jadal islohotlarni xalqimiz va xalqaro hamjamiyat uchun ochiq-oydin yoritishlari uchun barcha shart-sharoitlarni yaratamiz”, — dedi Prezident.
“Joylardagi muammo va kamchiliklarni ro‘y-rost ochib berish, ularni haqqoniy yoritishlarida men professional jurnalistlarni hamisha va har tomonlama qo‘llab-quvvatlashga tayyorman”, — deya qo‘shimcha qildi Shavkat Mirziyoyev.
Mavzuga doir:
- Shavkat Mirziyoyev: O‘zbekistonga 1995-yilgacha kelgan va shundan buyon istiqomat qilayotganlarga fuqarolik avtomatik tarzda beriladi
- Toshkentda yerosti silkinishlari sezildi. Bu vaqtda Prezident propiska tizimi haqida gapirayotgan edi
- Shavkat Mirziyoyev — Yevrosiyo iqtisodiy ittifoqi bilan hamkorlik haqida: “Xalq vakillari nima desa shu bo‘ladi”
- Shavkat Mirziyoyev 2020-yilni “Ilm-ma’rifat va raqamli iqtisodiyotni rivojlantirish yili” deb e’lon qildi
Izoh (0)