2020-yil 1-martdan boshlab xo‘jalik yurituvchi subyektlarning naqd pullarini bankka inkassator orqali yetkazib berilgani uchun xizmat haqi shartnoma asosida buyurtmachi tomonidan to‘lanishi haqida xabar berilgandi. Spot’ning Markaziy bankka tayanib ma’lum qilishicha, inkassatorlar xizmatiga kompaniyaning o‘zi ham, bank ham pul to‘lashi mumkin.
Xususan:
- Mijoz tomonidan, agar kompaniya tashabbuskor bo‘lsa, ya’ni bankka naqd pul tushumini topshirish uchun inkassatsiya xizmatlaridan foydalanishni afzal ko‘rgan mijoz bo‘lsa;
- Bank tomonidan, agar mijoz tomonidan naqd pulni bankka yetkazib berish qo‘shimcha xizmat turi sifatida tashkil etilgan bo‘lsa.
Shuningdek, kompaniyalar inkassatsiya xizmatidan foydalanmay, naqd pulni mustaqil ravishda bankka oborishlari mumkin. Bu holda banklar komissiya to‘lamaydi.
Bunda mijozlar va aholi tomonidan ularning tegishli hisobvaraqlariga o‘tkazilishi uchun bankka berilgan naqd pullar cheklovsiz qabul qilinishi kerak.
Izoh (0)