2020 йил 1 мартдан бошлаб хўжалик юритувчи субъектларнинг нақд пулларини банкка инкассатор орқали етказиб берилгани учун хизмат ҳақи шартнома асосида буюртмачи томонидан тўланиши ҳақида хабар берилганди. Spot’нинг Марказий банкка таяниб маълум қилишича, инкассаторлар хизматига компаниянинг ўзи ҳам, банк ҳам пул тўлаши мумкин.
Хусусан:
- Мижоз томонидан, агар компания ташаббускор бўлса, яъни банкка нақд пул тушумини топшириш учун инкассация хизматларидан фойдаланишни афзал кўрган мижоз бўлса;
- Банк томонидан, агар мижоз томонидан нақд пулни банкка етказиб бериш қўшимча хизмат тури сифатида ташкил этилган бўлса.
Шунингдек, компаниялар инкассация хизматидан фойдаланмай, нақд пулни мустақил равишда банкка оборишлари мумкин. Бу ҳолда банклар комиссия тўламайди.
Бунда мижозлар ва аҳоли томонидан уларнинг тегишли ҳисобварақларига ўтказилиши учун банкка берилган нақд пуллар чекловсиз қабул қилиниши керак.
Изоҳ (0)