O‘zbekistonda 17-yanvar kuni Oliy Majlis Senati a’zolarini saylash jarayoni bo‘lib o‘tmoqda. 14 ta hudud — Qoraqalpog‘iston Respublikasi, viloyatlar va Toshkent shahridagi mahalliy kengashlar tomonidan olti nafardan — jami 84 nafar senator saylanishi belgilab qo‘yilgan (qolgan 16 nafar senator Prezident farmoni bilan tayinlanadi).
Senatorlar saylovining borishi, bu haqda fotohisobotlar hududiy hokimliklarning matbuot xizmatlari tomonidan faol yoritib borildi. Aynan olti nafardan senator aks etgan fotohisobotlar ijtimoiy tarmoqlar va messenjerlarda muhokamalarni keltirib chiqardi.
“Yangi shakllanayotgan Senatning sifat tarkibiga qaraydigan bo‘lsak, u keyingi besh yilda ko‘proq oqsoqollar kengashi vazifasini bajaradiganga o‘xshaydi. Oliy Majlis Ehtirom palatasi, desa ham bo‘lar ekan”, — deb yozadi, jumladan, @davletovuz.
“Mehribon piarchi” kanali esa quyidagicha munosabat bildirgan: “O‘zbekiston aholisining uchdan ikki qismi — yoshlar. O‘zbekistondagi amaldorlarning uchdan ikki qismi — keksalar. Ajoyib!”.
Andijon viloyatidan saylangan senatorlar
Izoh (0)