Sankt-Peterburgda YPX inspektoridan qochgan 30 yoshli o‘zbekistonlik taqdiri ayanchli yakun topdi. Bu haqda “Fontanka.ru” xabar bermoqda.
Xabarda aytilishicha, 14-yanvar kuni soat taxminan 2:30 da Leningrad viloyatining Lomonosov tumanida YPX inspektorlari shubhali Nexia’ni payqagan. Ular haydovchini to‘xtash uchun signal chalgan, lekin u to‘xtamasdan tezlikni oshirgan.
Oradan 15 daqiqa vaqt o‘tib Peterburg hududida Nexia yo‘ldan chiqib ketgan va inspektorlar ko‘z o‘ngida to‘siqni sindirib o‘tib, uyga urilgan. Politsiyachilar haydovchini qo‘lga olish uchun mashinaga yaqinlashgan, lekin u mashina qulflanib qolgani uchun chiqa olmagan. Shu payt Nexia’da o‘t chiqib yonib ketgan.
Haydovchini qutqarib olishning imkoni bo‘lmagan. Yordam chaqirib yong‘inni o‘chirguncha u yonib ketgan.
Ma’lum bo‘lishicha, 30 yoshli haydovchi O‘zbekistondan Rossiyaga 2017-yilda kelgan bo‘lib, noqonuniy yashab kelgan. Mashina esa uning tanishiga tegishli bo‘lgan.
Izoh (0)