Санкт-Петербургда ЙПХ инспекторидан қочган 30 ёшли ўзбекистонлик тақдири аянчли якун топди. Бу ҳақда «Fontanka.ru» хабар бермоқда.
Хабарда айтилишича, 14 январь куни соат тахминан 2:30 да Ленинград вилоятининг Ломоносов туманида ЙПХ инспекторлари шубҳали Nexia’ни пайқаган. Улар ҳайдовчини тўхташ учун сигнал чалган, лекин у тўхтамасдан тезликни оширган.
Орадан 15 дақиқа вақт ўтиб Петербург ҳудудида Nexia йўлдан чиқиб кетган ва инспекторлар кўз ўнгида тўсиқни синдириб ўтиб, уйга урилган. Полициячилар ҳайдовчини қўлга олиш учун машинага яқинлашган, лекин у машина қулфланиб қолгани учун чиқа олмаган. Шу пайт Nexia’да ўт чиқиб ёниб кетган.
Ҳайдовчини қутқариб олишнинг имкони бўлмаган. Ёрдам чақириб ёнғинни ўчиргунча у ёниб кетган.
Маълум бўлишича, 30 ёшли ҳайдовчи Ўзбекистондан Россияга 2017 йилда келган бўлиб, ноқонуний яшаб келган. Машина эса унинг танишига тегишли бўлган.
Изоҳ (0)