Buxoroda 1 000 dollar evaziga navbatsiz kvartira olib bermoqchi bo‘lgan shaxs qo‘lga olindi. Bu haqda Buxoro IIB matbuot xizmati xabar berdi.
Ma’lum bo‘lishicha, 54 yoshli I.M. fuqaro D.U.ni aldab, Buxoro shahrida qurilayotgan 7 qavatli arzon uylardagi 3 xonali kvartiralardan birini navbatsiz olib berish evaziga 1 000 dollar talab qilgan.
I.M. 2020-yil 7-yanvar kuni Buxoro shahar Mustaqillik ko‘chasida kimyoviy ishlov berilgan 1 000 dollarni olgan vaqtida ushlangan.
Mazkur holat yuzasidan I.M.ga nisbatan Jinoyat kodeksining 168-moddasi (Firibgarlik) 2-qismi hamda 28, 211-moddasi (Pora berish) 1-qismi bilan jinoyat ishi qo‘zg‘atilgan.
Izoh (0)