Shavkat Mirziyoyev Ummon sultoni Haysam bin Toriq Ol Said nomiga sulton Qobus bin Saidning vafot etgani munosabati bilan chuqur ta’ziya izhor etib maktub yo‘lladi, deya xabar bermoqda Prezident matbuot xizmati.
“Ul zot sultonlik taraqqiyoti va ravnaqi, mamlakat xalqining farovonligi va xalqaro maydondagi o‘rnini har tomonlama mustahkamlash yo‘lida beqiyos sa’y-harakatlarni amalga oshirgan o‘z Vatanining chinakam fidoyi farzandi hamda xalqining cheksiz hurmatiga sazovor bo‘lgan taniqli va mohir davlat arbobi edilar”, — deyiladi hamdardlik nomasida.Avvalroq Ummon sultoni Qobus bin Said 10-yanvar kuni 79 yoshida vafot etgani haqida xabar berilgan edi. U o‘z otasi Said bin Taymurni taxtdan ag‘darib, 1970-yildan buyon mamlakatni boshqarib kelayotgandi. Qobus bin Said 2015-yili saratonga chalingan edi; sultonning vafoti munosabati bilan Ummonda uch kunlik motam e‘lon qilingan.
Mavzuga doir: Ummon sultoni 79 yoshida vafot etdi
Izoh (0)