Шавкат Мирзиёев Уммон султони Ҳайсам бин Ториқ Ол Саид номига султон Қобус бин Саиднинг вафот этгани муносабати билан чуқур таъзия изҳор этиб мактуб йўллади, дея хабар бермоқда Президент матбуот хизмати.
«Ул зот султонлик тараққиёти ва равнақи, мамлакат халқининг фаровонлиги ва халқаро майдондаги ўрнини ҳар томонлама мустаҳкамлаш йўлида беқиёс саъй-ҳаракатларни амалга оширган ўз Ватанининг чинакам фидойи фарзанди ҳамда халқининг чексиз ҳурматига сазовор бўлган таниқли ва моҳир давлат арбоби эдилар», — дейилади ҳамдардлик номасида.Аввалроқ Уммон султони Қобус бин Саид 10 январь куни 79 ёшида вафот этгани ҳақида хабар берилган эди. У ўз отаси Саид бин Таймурни тахтдан ағдариб, 1970 йилдан буён мамлакатни бошқариб келаётганди. Қобус бин Саид 2015 йили саратонга чалинган эди; султоннинг вафоти муносабати билан Уммонда уч кунлик мотам эълон қилинган.
Мавзуга доир: Уммон султони 79 ёшида вафот этди
Изоҳ (0)