O‘zbekiston 2023—2030-yillar davomida Yaponiyaga umumiy qiymati bir milliard dollardan ortiq bo‘lgan uran yetkazib beradi. Bu O‘zbekiston Prezidentining 2019-yil 28-dekabrdagi “O‘zbekiston Respublikasi va Yaponiya o‘rtasida ikki tomonlama hamkorlikni yanada kengaytirish va mustahkamlash chora-tadbirlari to‘g‘risida”gi qarorida nazarda tutilgan, deb yozmoqda “Gazeta.uz”.
Uran yetkazib berish bo‘yicha uzoq muddatli shartnomalar Navoiy kon-metallurgiya kombinati va Marubeni kompaniyasi o‘rtasida 510,1 million dollarga hamda Itochu kompaniyasi bilan 636,4 million dollarga imzolangan.
Qarorda yetkazib beriladigan uran miqdori ko‘rsatilmagan.
O‘zbekiiston 2017-yilning sentabr oyida AQShning Nukem kompaniyasi bilan 300 million dollarlik uran yetkazib berish bo‘yicha yetti yillik shartoma imzolagan edi. 2017-yilning noyabr oyida O‘zbekiston Janubiy Koreyaga uran yetkazib berish bo‘yicha uzoq muddatli shartnomani imzoladi. 2019-yilning yanvar oyida esa uran yetkazib berish bo‘yicha Hindiston bilan uzoq muddatli shartnoma imzolangan.
Izoh (0)