Urugvay prezidenti Tabare Vaskes mamlakatda ayollarning o‘limi bilan bog‘liq holatlar keskin ravishda ko‘payib borayotgani tufayli favqulodda holat e’lon qildi. Bu haqda “RIA Novosti” xabar berdi.
“Yaqinda qabul qilingan hujjatlar oqibatida ayollarga nisbatan zo‘ravonlik holatlari ko‘paygani, jinsiy zo‘ravonlik ortib borayotgani tufayli prezident milliy darajadagi favqulodda holat e’lon qilishga qaror qildi”, – deyiladi Urugvay prezidentning administratsiyasi tomonidan e’lon qilingan farmoyishda.
Shuningdek, endi Urugvaydagi maktablar va qamoqxonalarda ayollar huquqlarini himoya qilishga qaratilgan targ‘ibot-tashfiqot tadbirlari hamda virtual darslar o‘tkaziladi.
Urugvay IIV ma’lumotiga ko‘ra, mamlakatda har kuni o‘rtacha 108 ta shikoyatda aynan jinsiy zo‘ravonlik masalasi ko‘tariladi. Nodavlat tashkilotlarning ma’lumotiga ko‘ra, ortda qolgan 2019-yilda mamlakatda 35 nafar ayol erkaklar tomonidan o‘ldirilgan. Uchta yosh ayol Rojdestvo ta’tillari vaqtida o‘ldirib ketilgan.
Izoh (0)