Ukraina va ayirmachilar ikki yil ichida ilk marta asirlarni almashdi, deb xabar berdi “TASS”.
Kiyev hamda LXR va DXR o‘nlab odamlarini bir-biriga qaytardi, ular orasida 2014-yil fevralida Maydanda odamlarni o‘qqa tutishda ayblangan Ukraina IIVning “Berkut” maxsus bo‘linmasi jangchilari ham bor.
Asirlar almashish bo‘yicha kelishuv uch hafta muqaddam Vladimir Putin va Vladimir Zelenskiy o‘rtasida Germaniya va Fransiya prezidentlari ishtirokidagi uchrashuvda tuzilgandi.
Almashuv tumanli tongda Donbass bilan chegaradagi “Mayors” nazorat-o‘tkazuv punktida boshlandi va tushlikdan keyin yakunlandi. Kiyev 87 kishini topshirib, 55 kishini olib ketishni rejalashtirgandi. Almashish jarayonida Donbass respublikasi Ukrainadan olingan shaxslar soni 124 kishiga yetdi.
O‘ndan ortiq kishi ayirmachilar nazoratidagi hududga qaytishni istamadi. Shuningdek, Kiyevdagilar ro‘yxatidagi 4 kishi Doneskda qolishga qaror qilgan.
Ikki yil oldingi asirlar almashinuvida ham tengsizlik kuzatilgandi: Kiyev 233 kishini qaytargan va evaziga 73 kishi olgandi. Bundan tashqari, sentabrda Rossiya va Ukraina “35”ga “35” formatida asirlar almashgandi.
Haftaning boshida Ukraina sharqidagi vaziyatni hal qilish bo‘yicha aloqa guruhi joriy yilning oxirigacha uning o‘tkazilishiga rozi bo‘ldi, bu Parijdagi “Normandiya to‘rtligi” sammitining yakuniy bayonotida ko‘zda tutilgan.
Izoh (0)