O‘zbekiston prezidenti Shavkat Mirziyoyev Muhammad al-Xorazmiy nomidagi maktabda yoshlar bilan uchrashgani haqida xabar berilgan edi.
“Kun.uz”ning xabar berishicha, uchrashuv davomida Shavkat Mirziyoyev 2020-yilda Qoraqalpog‘iston Respublikasi va barcha viloyatlarda dasturiy mahsulotlar va axborot texnologiyalari — IT parklari qurilishini ma’lum qilgan.
“2020-yilda respublikaning barcha hududlarida yoshlarning startap loyihalarini rivojlantirishga qaratilgan IT parklar quriladi. Bu parklar eng kamida 20 qavatdan iborat bo‘lishi kerak. Har bir viloyat hokimi IT parklarini qurishga mas’ul bo‘ladi”, — deb ta’kidlagan Shavkat Mirziyoyev.
Nashrning yozishicha, davlat rahbari o‘z nutqida yangi quriladigan texnologik parklar faoliyatiga katta ishonch bildirgan.
“Agar biz yoshlarning yangi startap loyihalarini jamiyat hayotiga tatbiq qila olsak, rivojlanish bo‘ladi. Bu dasturlarni amalga oshirsak, xatolarimiz kamroq bo‘ladi”, — dedi davlat rahbari.
Yoshlar bilan bo‘lib o‘tgan uchrashuvda Shavkat Mirziyoyev O‘zbekiston Yoshlar ittifoqini Yoshlar ishlari agentligiga aylantirishni taklif qildi hamda “Vatan iftixorlari” institutini tashkil etish bo‘yicha topshiriq berdi.
Izoh (0)