Hozirda 1 ming 700 nafardan ziyod O‘zbekiston fuqarosi xalqaro qidiruvga berilgan. Ularning aksariyati terorrizim, odam savdosi, firibgarlik kabi jinoyatlarda ayblangan. Bu haqda 26-dekabr kuni Ichki ishlar vazirligi tomonidan AOKAda “Ichki ishlar organlarida xalqaro hamkorlikni tashkil etish faoliyati va Interpolning O‘zbekiston Respublikasidagi milliy markaziy byurosi” mavzusida o‘tkazilgan matbuot anjumanida ma’lum qilindi. Bu haqda “Daryo” muxbiri Mirolim Isajonov xabar berdi.
Ta’kidlanishicha, IIV tarkibiy bo‘linmasi sanalgan Interpol milliy markaziy byurosi mustaqil tezkor boshqarma maqomiga ega. U xalqaro jinoyat politsiyasi – Interpolning tashkiliy tuzilmasiga kiradi. Mazkur tashkilot faqatgina shaxslarni qidirish bilan shug‘ullanmaydi. Uning vakolat doirasi terrorizm, giyohvandlik moddalarining noqonuniy aylanishi, odam savdosi, hujjatlarni qalbakilashtirish kabi jinoyat turlariga qarshi kurashishni ham qamrab oladi.
Ayni paytda 1 ming 700 nafardan ortiq O‘zbekiston fuqarosi xalqaro qidiruvda. Ular asosan terrorizm, odam savdosi bilan shug‘ullangan shaxslar. Shuningdek, umumiy jinoyatlar: firibgarlik, bosqinchilik, o‘g‘rilik bilan ayblanganlar ham bor. Ammo asosan terrorizm. 1999-yilgi va Namangan voqeasidagilar ham haligacha qidiruvda turibdi.Olimxon Ergashev, Interpol Milliy markaziy byurosi bo‘lim boshlig‘i
Izoh (0)