Bosh prokuror Nig‘matilla Yo‘ldoshev Korrupsiyaga qarshi kurashish bo‘yicha Respublika idoralararo komissiyasining 25-dekabr, chorshanba kuni bo‘lib o‘tgan kengaytirilgan yig‘ilishida tibbiy yordam uchun orderlar tarqatish jarayonidagi qonunbuzilishi holatlari haqida gapirdi.
Davlat hisobidan ko‘rsatiladigan tibbiy yordam uchun orderlarga talab o‘ta yuqori bo‘lgan hozirgi sharoitda bu jarayonning ochiq va shaffof bo‘lishi, eng avvalo, adolat ta’minlanishi talab etiladi.Shunga qaramasdan, order rasmiylashtirishda ko‘plab qonun buzilishi holatlari, ayniqsa, tanish-bilishchilik va suiiste’molchiliklar avj olgan.
Birgina 2018-yilda Toshkent viloyati tibbiyot muassasalarida 828 ta, Sirdaryoda 1 271 ta va Andijonda 7 545 ta order tibbiy-tanlov komissiyalari xulosalari olinmasdan, rasmiylashtirib berilgan.
Nukus shahar 3-son oilaviy poliklinikada 2018-yil davomida 291 nafar bemor order olish uchun navbatda turgan bo‘lsa-da, ularning o‘rniga 132 nafar bemorga order navbatsiz berilgan.
Order berish uchun Samarqandda 196 nafar, Sirdaryoda 394 nafar va Qashqadaryoda 3 242 nafar bemordan ortiqcha hujjat talab qilib olingan.
Nig‘matilla Yo‘ldoshev, bosh prokuror
Izoh (0)