Бош прокурор Ниғматилла Йўлдошев Коррупцияга қарши курашиш бўйича Республика идоралараро комиссиясининг 25 декабрь, чоршанба куни бўлиб ўтган кенгайтирилган йиғилишида тиббий ёрдам учун ордерлар тарқатиш жараёнидаги қонунбузилиши ҳолатлари ҳақида гапирди.
Давлат ҳисобидан кўрсатиладиган тиббий ёрдам учун ордерларга талаб ўта юқори бўлган ҳозирги шароитда бу жараённинг очиқ ва шаффоф бўлиши, энг аввало, адолат таъминланиши талаб этилади.Шунга қарамасдан, ордер расмийлаштиришда кўплаб қонун бузилиши ҳолатлари, айниқса, таниш-билишчилик ва суиистеъмолчиликлар авж олган.
Биргина 2018 йилда Тошкент вилояти тиббиёт муассасаларида 828 та, Сирдарёда 1 271 та ва Андижонда 7 545 та ордер тиббий-танлов комиссиялари хулосалари олинмасдан, расмийлаштириб берилган.
Нукус шаҳар 3-сон оилавий поликлиникада 2018 йил давомида 291 нафар бемор ордер олиш учун навбатда турган бўлсада, уларнинг ўрнига 132 нафар беморга ордер навбатсиз берилган.
Ордер бериш учун Самарқандда 196 нафар, Сирдарёда 394 нафар ва Қашқадарёда 3 242 нафар бемордан ортиқча ҳужжат талаб қилиб олинган.
Ниғматилла Йўлдошев, бош прокурор
Изоҳ (0)