Toshkent shahrida Yangi yil bayrami tadbirlari o‘tkazilishi munosabati bilan 2020-yilning 10-yanvariga qadar aholiga qulaylik yaratish maqsadida avtomobillarga qo‘shimcha turar joylari tashkil etildi. Bu haqda Toshkent shahar hokimligi xabar berdi.
Ma’lum qilinishicha, yo‘llarning ayrim qismlarida harakat cheklanmaydi va ulardan avtoturargoh sifatida foydalanish mumkin bo‘ladi. Ular qatoridan quyidagilar joy olgan:
- Amir Temur shoh ko‘chasining Amir Temur xiyobonidan Islom Karimov shoh ko‘chasigacha bo‘lgan qismi;
- Amir Temur shoh ko‘chasining Amir Temur xiyobonidan Istiqlol ko‘chasigacha bo‘lgan qismi;
- Buxoro ko‘chasining Amir Temur shoh ko‘chasidan Taras Shevchenko ko‘chasigacha hamda Zarafshon ko‘chasidan Sharof Rashidov ko‘chasigacha bo‘lgan qismlari;
- Matbuotchilar ko‘chasining Sharof Rashidov shoh ko‘chasidan Amir Temur xiyobonigacha bo‘lgan qismi;
- Sharof Rashidov shoh ko‘chasining Matbuotchilar ko‘chasidan Alisher Navoiy shoh ko‘chasigacha bo‘lgan qismidagi bir tomoni;
- Olmazor ko‘chasining Islom Karimov shoh ko‘chasidan Alisher Navoiy shoh ko‘chasigacha bo‘lgan qismi;
- Afrosiyob ko‘chasining Beshyog‘och ko‘chasidan Yunus Rajabiy ko‘chasigacha bo‘lgan qismi;
- Buyuk Turon ko‘chasining Islom Karimov shoh ko‘chasidan Alisher Navoiy shoh ko‘chasigacha bo‘lgan qismi;
- Istiqlol ko‘chasining Istiqbol ko‘chasidan Mustaqillik shoh ko‘chasigacha bo‘lgan qismi;
- Istiqbol ko‘chasining Istiqlol ko‘chasidan Shahrisabz ko‘chasigacha bo‘lgan qismi.
- 50-sonli maktab ro‘parasida;
- “Oloy” bozorining yonida;
- “Xalqlar do‘stligi” saroyi yonida ikkita avtoturargoh;
- Humo Arena muz saroyi yonidagi avtoturargoh.
Izoh (0)