Bosh prokuratura tomonidan “Safari” Telegram kanali orqali e’lon qilingan Sergeli tumani saylov uchastkasidagi holat bo‘yicha tekshiruvni boshladi.
Toshkent shahar, Sergeli tumanidagi 426-saylov uchastkasida saylov byulletenlari qalbakilashtirilgan. Bu haqda bloger Nozim Safarov o‘zining Telegram kanalida ma’lum qildi.
Sergeli tumanidagi to‘rtinchi holat. Endigi navbat 17-okrugga. Saylov byulletenlari qalbakilashtirilishi holati aniqlandi. Belgilangan byulletenlar oldindan tayyorlanib qo‘yilgan.Sergeli tumani kengashi uchun saylovlar bekor qilinishi lozim. Mayli man nomzodimni qo‘ymayman. Lekin haqiqat qaror topishi kerak. Bitta tumanda 4 ta katta holat bu juda ko‘p. Ro‘yxatdan o‘tmagan quruvchilar, tishlaydigan o‘qituvchilar hamda qalbaki saylov varaqalari. Hammasida o‘qituvchilar. Ularni aynan kim ma’muriy richaglar orqali harakatlantirayotgani aniq.
Sergeli tuman hokimiga yana murojaat: Shuncha xorijiy kuzatuvchilar bizni kuzatayotganida nima deb o‘ylaysiz, mamlakat imidjini oshirish yo‘lida qanchalik hissa qo‘shyapsiz?
Nozim Safarov, bloger
Avvalroq Nozim Safarov o‘qituvchilardan biri qo‘lini tishla olgani haqida yozgan edi.
“O‘qituvchilardan ko‘nglim qoldi. Hammasidan emas. Deputatlikka nomzodimni aslida yutishga umid qilmasdan qo‘ygandim. Men o‘yinlar bo‘lishini bilgandim. Lekin bunchalik emas. Sharafsizlar o‘qituvchilarni total ekspluatatsiya qilib, xohlagan ishlarini qilishdi. Hatto shunchalikki o‘qituvchilardan biri qo‘limni tishlab oldi”, — deydi bloger.
Prokuratura yuqoridagi holat bo‘yicha tekshirish natijalarini ma’lum qilishini bildirdi.
Izoh (0)