Yevrosiyo iqtisodiy ittifoqiga a’zo uchta mamlakat — Belarus, Qozog‘iston va Qirg‘iziston kompyuter, telefon va aqlli televizorlarga Rossiya dasturlarini majburiy tartibda o‘rnatishni ko‘zda tutuvchi qonunga qarshi chiqdi, deb yozadi Meduza.
Ittifoq ishtirokchilari 13-dekabr, juma kuni Yevrosiyo iqtisodiy komissiyasining ichki bozorlar faoliyati departamenti yig‘ilishida ushbu qonunni muhokama qildi.
Qirg‘iziston, Belarus va Qozog‘iston vakillari qonunga kiritilayotgan o‘zgartirishlar Yevrosiyo iqtisodiy ittifoqiga a’zo mamlakatlardan Rossiyaga texnika vositalari aylanmasini cheklashi va ittifoq ichki bozori funksiyalarini amalga oshirishda to‘siqlar yaratishi mumkin, deb hisoblamoqda.
Qayd etilishicha, maxsus komissiya ittifoq ishtirokchilari fikrini o‘rganayotgani, qonun savdoga xalal berish, bermasligi yuzasidan bir qarorga kelgani yo‘q.
Izoh (0)