AQShning “Shimoliy oqim—2” gaz quvuriga qarshi sanksiyalari Yevropani qo‘llab-quvvatlashga qaratilgan qaror hisoblanadi. Bu haqda Qo‘shma Shtatlarning Germaniyadagi elchisi Richard Grennell ma’lum qildi, deya xabar beradi Meduza.
“Yevropadagi 15 davlat, Yevrokomissiya va Yevroparlament mazkur loyihadan tashvish bildirgandi. Yevropadagi sheriklarimiz AQSh ularning sa’y-harakatlarini qo‘llab-quvvatlashi kerakligini aytgandi. Shu sababli sanksiyalar Yevropa manfaatlarini ko‘zlovchi qaror hisoblanadi”, — dedi Grennel.
Elchiga ko‘ra, sanksiyalar joriy etilganidan so‘ng “kuni bo‘yi Yevropa diplomatlaridan minnatdorlik so‘zlarini tinglagan”.
Ma’lumot uchun, “Shimoliy oqim—2” gaz quvuri Rossiyadan to‘g‘ridan-to‘g‘ri Germaniyaga gaz yetkazib berish imkoniyatini yaratadi. Uning qurilishi 92 foizga yakunlangandi.
Izoh (0)