АҚШнинг «Шимолий оқим—2» газ қувурига қарши санкциялари Европани қўллаб-қувватлашга қаратилган қарор ҳисобланади. Бу ҳақда Қўшма Штатларнинг Германиядаги элчиси Ричард Греннелл маълум қилди, дея хабар беради Meduza.
«Европадаги 15 давлат, Еврокомиссия ва Европарламент мазкур лойиҳадан ташвиш билдирганди. Европадаги шерикларимиз АҚШ уларнинг саъй-ҳаракатларини қўллаб-қувватлаши кераклигини айтганди. Шу сабабли санкциялар Европа манфаатларини кўзловчи қарор ҳисобланади», — деди Греннел.
Элчига кўра, санкциялар жорий этилганидан сўнг «куни бўйи Европа дипломатларидан миннатдорлик сўзларини тинглаган».
Маълумот учун, «Шимолий оқим—2» газ қувури Россиядан тўғридан-тўғри Германияга газ етказиб бериш имкониятини яратади. Унинг қурилиши 92 фоизга якунланганди.
Изоҳ (0)