Пахтаобод туманидаги 462-сайлов участкаси 23-умумий ўрта таълим мактабида жойлашган бўлиб, ушбу участкада 2906 нафар сайловчи рўйхатга олинган. Улар қаторида Андижон вилояти ҳокими Шуҳратбек Абдураҳмонов ҳам бор, - дея хабар беради «Дарё» мухбири.
Вилоят раҳбари эрта тонгда биринчилардан бўлиб, оила аъзолари – турмуш ўртоғи ва сайловда илк маротаба қатнашаётган 18 ёшли қизи Қизларой Абдураҳмонова билан бирга мазкур участкада бўлиб, муносиб номзодларга овоз берди.
Сурхондарё вилоят ҳокимлиги ахборот хизмати раҳбари Заҳриддин Тўраевнинг «Дарё»га маълум қилишича, Тўра Боболов ҳам оила-аъзолари билан бирга Термиз шаҳридаги 271-сайлов участкасида бўлиб, муносиб номзодлар учун овоз берган.
Айни пайтда Ўзбекистон Республикаси Олий Мажлиси Қонунчилик Палатаси ҳамда маҳаллий Кенгашларга сайловлар вилоятнинг барча туман ва шаҳарларида ҳам қизғин давом этмоқда.
Эслатиб ўтамиз, аввалроқ Қашқадарё ҳокими Зоир Мирзаэвнинг Парламент сайловларидаги иштироки ҳақида хабар бергандик.
Изоҳ (0)