Hindiston shimolidagi Uttar-Pradesh shtatidagi namoyishlar chog‘ida ikki kun davomida 11 kishi halok bo‘ldi. Bu haqda The Times of India xabar bermoqda.
Norozilik namoyishlari shu oyda boshlandi. Ularga vatanida ta’qibga uchrayotgan Pokiston, Afg‘oniston va Bangladeshdagi diniy ozchilik vakillari uchun osonlashtirilgan tarzda fuqarolik berish haqidagi qonun loyihasi sabab bo‘ldi.
Namoyishlarda halok bo‘lgan va yaralanganlarning aksariyatida o‘qotar quroldan olingan jarohatlar qayd etilgan. Ayni vaqtda, mahalliy rasmiylar politsiya namoyishchilarga qarata o‘q uzganini inkor etmoqda. Mamlakat bo‘ylab internetdan uzilish holatlari davom etmoqda.
Oxirgi ma’lumotlarga ko‘ra, 3300 nafardan ziyod namoyishchi, jumladan, muxolifat yetakchilari ushlangan, ulardan 200 nafari hibsga olingan. Mamlakatdagi ayrim shtatlarda barcha o‘quv muassasalari yopilgan.
Izoh (0)