Twitter asoschisi Jek Dorsi Facebook asoschilaridan biri Mark Sukerberg akkauntiga obunani hammaga obunachilari ko‘radigan qilib bekor qildi, deb yozmoqda “Gazeta.ru”.
Undan buning sababi so‘ralganda Twitter matbuot xizmati o‘tgan yili ikki IT yetakchilari o‘rtasida kelishmovchilikka sabab bo‘lgan hayvon — echki emojisini yuborgan.
Qayd etilishicha, o‘tgan yili echki haqiqatdan ham ularning o‘rtalariga sovuqchilik tushishiga sabab bo‘lgan. Shu yilning yanvar oyida Twitter asoschisi intervyu berib, unda Facebook rahbari bilan eng esda qolarli uchrashuvi haqida gapirib bergan. Uning aytishicha, Sukerberg o‘z qo‘llari bilab echkini o‘ldirgan va undan kechki taom tayyorlanib, dasturxonga tortilgan.
Gap shundaki, 2011-yilda Mark Sukerberg uyushtirgan chellenj doirasida faqat o‘z qo‘li bilan o‘ldirgan hayvonlar go‘shtini yeyishni boshlagan. O‘zining bunday tutgan yo‘lini iste’mol qiladigan go‘shtga nisbatan minnatdorchilik hissini sezishi uchun qilishi bilan izohlagan.
“Bu yili faqat o‘zim o‘ldirgan hayvonning go‘shtini iste’mol qilishga qaror qilganimdan beri deyarli vegetarianga aylandim”, — degan u.
Biroq, Dorsi uning bunday ishtiyoqini ijobiy baholamadi. Uning aytishicha, Sukerberg echkini lazerli to‘pponcha bilan o‘ldirgan, so‘ng uni qassobga bergan. Tushlikka o‘ldirilgan echkidan tayyorlangan go‘sht qo‘yilgan, lekin u negadir sovuq bo‘lgan. Twitter asoschisi shu kuni faqat salat yeganini eslagan.
Biroq, xabarda aytilishicha, Jek o‘ldirilgan echki uchun shuncha yildan buyon gina saqlayotgani ehtimoli yuqori emas.
Dorsining Sukerbergga obunani bekor qilish qarori mafkuraviy qarashga ega bo‘lishi mumkin. Ular so‘nggi paytlarda muhim ijtimoiy masalalarda ochiqchasiga qarama-qarshi pozitsiyani egallamoqda.
Oktabr oyida Dorsi Twitter barcha siyosiy reklamalarni taqiqlashini e’lon qilgan. Facebook’da esa aksincha, ular bunga aralashmasliklari, siyosiy mazmundagi matnlarni namoyish etishda davom etishlari va hatto ularni tekshirib o‘tirmasliklari aytilgan. Sukerberg bu yondashuvni so‘z erkinligini rivojlantirish istagi bilan izohlagan.
Shuningdek, shu oyda Dorsi Sukerbergni tanqid qildi va Twitter hech qachon uning Libra kriptovalyutasini qo‘llab-quvvatlamasligini aytgan.
Izoh (0)