Toshkent shahri Yunusobod tumanida qurilayotgan metro yo‘nalishida 18-dekabr, chorshanba kuni yuz bergan yer o‘pirilishi oqibatida kamida 4 kishi halok bo‘lgani haqida xabar berilgan edi. Halok bo‘lgan 3 nafar ishchining shaxsi aniqlandi. Bu haqda Favqulodda vaziyatlar vazirligi ma’lum qildi.
Vazirlikning xabar berishicha, ayni paytda tegishli vazirlik va idoralar tomonidan yuzaga kelgan holatni zudlik bilan bartaraf etish ishlari davom ettirilmoqda.
Qidiruv va qutqaruv ishlari natijasida tuproq ostidan olib chiqilgan 3 kishining shaxsi aniqlandi.
- J.Ravshanov, 1989-yilda tug‘ilgan;
- O.Abdullayev, 1989-yilda tug‘ilgan;
- D.Abdullayev, 1999-yilda tug‘ilgan.
Mavzuga doir: “Hammamiz shokdamiz”. Quruvchilardan biri Yunusobod metrosidagi avariya qanday yuz berganini so‘zlab berdi
Avvalroq hodisa yuz bergan joyda 2 kishining jasadi topilgani ma’lum bo‘lgan edi. UzReport hodisa yuz bergan joyda 20 nafar ishchi bo‘lgani haqida xabar berdi.
O‘zAning yozishicha, o‘pirilgan joyning hali to‘rtdan bir qismi ham qazib ulgurilmagan.
Tuzatish: Xabarning dastlabki tahririda qurbonlar ro‘yxatida 1957-yilda tug‘ilgan T.Abdullayev borligi ko‘rsatilgan edi, biroq keyinroq FVV ro‘yxatga tuzatish kiritib, aslida 1989-yilda tug‘ilgan O.Abdullayev halok bo‘lganini ma’lum qildi.
Izoh (0)