Тошкент шаҳри Юнусобод туманида қурилаётган метро йўналишида 18 декабрь, чоршанба куни юз берган ер ўпирилиши оқибатида камида 4 киши ҳалок бўлгани ҳақида хабар берилган эди. Ҳалок бўлган 3 нафар ишчининг шахси аниқланди. Бу ҳақда Фавқулодда вазиятлар вазирлиги маълум қилди.
Вазирликнинг хабар беришича, айни пайтда тегишли вазирлик ва идоралар томонидан юзага келган ҳолатни зудлик билан бартараф этиш ишлари давом эттирилмоқда.
Қидирув ва қутқарув ишлари натижасида тупроқ остидан олиб чиқилган 3 кишининг шахси аниқланди.
- Ж.Равшанов, 1989 йилда туғилган;
- О.Абдуллаев, 1989 йилда туғилган;
- Д.Абдуллаев, 1999 йилда туғилган.
Мавзуга доир: «Ҳаммамиз шокдамиз». Қурувчилардан бири Юнусобод метросидаги авария қандай юз берганини сўзлаб берди
Аввалроқ ҳодиса юз берган жойда 2 кишининг жасади топилгани маълум бўлган эди. УзРепорт ҳодиса юз берган жойда 20 нафар ишчи бўлгани ҳақида хабар берди.
ЎзАнинг ёзишича, ўпирилган жойнинг ҳали тўртдан бир қисми ҳам қазиб улгурилмаган.
Тузатиш: Хабарнинг дастлабки таҳририда қурбонлар рўйхатида 1957 йилда туғилган Т.Абдуллаев борлиги кўрсатилган эди, бироқ кейинроқ ФВВ рўйхатга тузатиш киритиб, аслида 1989 йилда туғилган О.Абдуллаев ҳалок бўлганини маълум қилди.
Изоҳ (0)