Qashqadaryo viloyati Koson tumanidagi 91-maktab o‘quvchisi B.N. 7-dekabr, shanba kuni o‘z hovlisida osilgan holda topildi. Bu haqda “Novosti Kashkadari” xabar berdi.
Koson tumani prokurori Ulug‘bek Ergashevning ma’lum qilishicha, 17 yoshli o‘smirning o‘limi ertalab soat 6:15 va 6:55 orasida yuz bergan.
O‘smirning otasi aytishicha, u o‘g‘lini soat 6:15 da tirik va sog‘ ko‘rgan. Soat 07:00 da esa marhum o‘smirning katta akasi tashqariga chiqqan va ukasining osilganini ko‘rib otasini yordamga chaqirgan. Biroq bu vaqtga B.N. allaqachon vafot etgan edi.
Ayni paytda bu holat o‘z joniga qasd qilish yoki suiqasd ekanligini aniqlash yuzasidan surishtiruv olib borilmoqda.
O‘smirning ota-onasi so‘zlariga ko‘ra, u Ichki ishlar vazirligi akademiyasiga kirishni va huquqni muhofaza qilish idoralari xodimi bo‘lishni orzu qilgan.
Xabar berilishicha, o‘smirning oilasi o‘rtahol bo‘lgan. U maktabda a’lochi bo‘lgan va doim yaqinlari bilan yaxshi muomalada bo‘lgan. O‘smirning ikki nafar akasi va bir nafar singlisi bor.
Izoh (0)