8-dekabr, yakshanba kuni Favqulodda vaziyatlar vazirligi Samarqand viloyat boshqarmasi xodimlari liftda qamalib qolgan qariyani qutqardi. Bu haqda “Daryo” muxbiri Farhod Norbo‘tayev xabar bermoqda.
Shu kuni soat 18:10 da viloyat FVB navbatchilik qismi “1050” qisqa raqamiga Samarqand shahri, So‘g‘diyona massivida yashovchi fuqaro D.Yu. tomonidan ko‘p qavatli uyning liftida turmush o‘rtog‘i qamalib qolib, yordam so‘rayotganligi haqidagi xabar kelib tushgan.
Qutqaruv otryadi voqea joyiga soat 18:20 da yetib borgan. Ularning tezkor harakatlari natijasida 18:25 da fuqaro qutqarilib, yuzaga kelishi mumkin bo‘lgan baxtsiz hodisaning oldi olindi.
Izoh (0)