Futbol bo‘yicha Ispaniya La Ligasi 15-turining ilk bahsi “Alaves” hamda “Real” jamoalari o‘rtasida kechdi.
Uchrashuvning 52-daqiqasida Serxio Ramos “Real”ni hisobda oldinga olib chiqdi. 65-daqiqaga kelib, Ramosning qo‘polligi sabab “Qirollik klubi” darvozasiga penalti belgilandi. Uni “Alaves” to‘purari Lukas Peres aniq amalga oshirdi. Zidan jamoasiga g‘alaba keltirgan golga esa 69-daqiqada Dani Karvaxal mualliflik qildi.
Shu tariqa “Real” o‘z hisobiga navbatdagi uch ochkoni yozib qo‘ydi va ochkolari sonini 31 taga yetkazgan holda La Liga musobaqa jadvalida 1-o‘ringa ko‘tarildi. 28 ochkoga ega “Barselona” ushbu turda “Atletiko Madrid” mehmoni bo‘ladi.
La Liga15-tur bahsi30-noyabr, shanba
“Alaves” — “Real” 1:2
Gollar: Ramos 52, — 0:1, Peres 65, — 1:1, Karvaxal 69, — 1:2.Alaves – Pacheko, Ximo Navarro, Agirregabiria, Laguardia, Duarte, Pina (Pons, 76), Aleish Vidal, Vakaso (Garsiya, 82), Rioxa (Burki, 60), Xoselu, Lukas Peres.
Real Madrid – Areola, Militao, Ramos, Marselo, Karvaxal, Kazemiro, Kroos, Isko (Mendi, 90), Modrich (Valverde, 80), Beyl (Rodrigo, 67), Benzema.
Ogohlantirishlar: Vidal (7), Modrich (32), Pina (45+1), Ramos (63), Duarte (79), Militao (81).
Izoh (0)