Футбол бўйича Испания Ла Лигаси 15-турининг илк баҳси «Алавес» ҳамда «Реал» жамоалари ўртасида кечди.
Учрашувнинг 52-дақиқасида Серхио Рамос «Реал»ни ҳисобда олдинга олиб чиқди. 65-дақиқага келиб, Рамоснинг қўполлиги сабаб «Қироллик клуби» дарвозасига пенальти белгиланди. Уни «Алавес» тўпурари Лукас Перес аниқ амалга оширди. Зидан жамоасига ғалаба келтирган голга эса 69-дақиқада Дани Карвахаль муаллифлик қилди.
Шу тариқа «Реал» ўз ҳисобига навбатдаги уч очкони ёзиб қўйди ва очколари сонини 31 тага етказган ҳолда Ла Лига мусобақа жадвалида 1-ўринга кўтарилди. 28 очкога эга «Барселона» ушбу турда «Атлетико Мадрид» меҳмони бўлади.
Ла Лига15-тур баҳси30 ноябрь, шанба
«Алавес» — «Реал» 1:2
Голлар: Рамос 52, — 0:1, Перес 65, — 1:1, Карвахаль 69, — 1:2.Алавес – Пачеко, Химо Наварро, Агиррегабириа, Лагуардиа, Дуарте, Пина (Понс, 76), Алеиш Видаль, Вакасо (Гарсия, 82), Риоха (Бурки, 60), Хоселу, Лукас Перес.
Реал Мадрид – Ареола, Милитао, Рамос, Марсело, Карвахаль, Каземиро, Кроос, Иско (Менди, 90), Модрич (Вальверде, 80), Бэйл (Родриго, 67), Бензема.
Огоҳлантиришлар: Видаль (7), Модрич (32), Пина (45+1), Рамос (63), Дуарте (79), Милитао (81).
Изоҳ (0)