Toshkentda MDH davlatlari poytaxtlari ichki ishlar organlari rahbarlarining birinchi kengashi bo‘lib o‘tadi. Bu haqda IIBB matbuot xizmati xabar bermoqda.
Ularni bir manzilda to‘plash tashabbusi MDH Ichki ishlar vazirlari kengashida O‘zbekiston ichki ishlar vaziri general-leytenant Po‘lat Bobojonov tomonidan ilgari surilgandi. Ushbu tashabbus Uyushgan jinoyatchilik va jinoyatchilikning boshqa xavfli turlariga qarshi kurashni muvofiqlashtirish byurosi tomonidan ma’qullanib, qo‘llab-quvvatlangan.
Tashabbusdan ko‘zda tutilgan maqsad Toshkent shahar IIBB va MDH davlatlari poytaxtlarining ichki ishlar organlari/politsiyasi bo‘linmalari o‘rtasidagi hamkorlikni kuchaytirish, axborot texnologiyalari sohasidagi jinoyatchilik, giyohvandlik vositalarining noqonuniy savdosi va terroristik faoliyatga qarshi kurash, turistlar xavfsizligini ta’minlash bo‘yicha tajriba almashuvini kengaytirish ekanligi bildirilgan.
Kengash yakuniga ko‘ra, ikki tomonlama hujjatlar va o‘zaro hamjihatlik to‘g‘risidagi memorandum imzolanadi.
Izoh (0)