Markaziy Osiyo davlatlari rahbarlarining ikkinchi maslahat uchrashuvi doirasidagi tadbirlar yakuniga yetdi. Bu haqda Prezident matbuot xizmati xabar berdi.
Ta’kidlanishicha, delegatsiyalar rahbarlari Toshkent xalqaro aeroportga birgalikda keldi. O‘zbekiston Prezidenti Shavkat Mirziyoyev mintaqa davlatlari rahbarlarini shaxsan kuzatib qo‘ydi.
Shavkat Mirziyoyev 28-noyabr, payshanba kuni mazkur tadbirda ishtirok etish uchun O‘zbekistonga tashrif buyurgan Turkmaniston prezidenti Gurbanguli Berdimuhamedovni qabul qildi. Shu kunning o‘zida Turkmaniston rahbariga O‘zbekiston Fanlar akademiyasining faxriy akademigi unvoni topshirildi.
O‘zbekiston Prezidenti 29-noyabr, juma kuni ikkinchi maslahat uchrashuvida ishtirok etish uchun kelgan Qozog‘istonning birinchi prezidenti – elboshi Nursulton Nazarboyev, Tojikiston prezidenti Emomali Rahmon hamda Qirg‘iziston prezidenti Sooronbay Jeenbekov bilan uchrashdi.
Shavkat Mirziyoyev Markaziy Osiyo davlatlari rahbarlarining ikkinchi maslahat uchrashuvida muhim tashabbuslarni ilgari surdi. Navbatdagi maslahat uchrashuvi kelgusi yili Qirg‘izistonda o‘tkazilishi ma’lum qilindi.
Oliy darajadagi tadbirdan so‘ng davlat rahbarlari Ko‘ksaroy qarorgohiga daraxt ekdi.
Izoh (0)