“Arsenal” klubi bosh murabbiyi Unai Emeri iste’foga chiqarildi. Bu haqida klub rasmiy saytida ma’lum qilindi.
Uning o‘rnini vaqtincha Frederik Yunberg egallaydi.
Londonliklar ketma-ket yettita o‘yindan buyon g‘alaba qozona olmayapti. Bu jamoa uchun so‘nggi 27 yil ichidagi eng yomon natija hisoblanadi.
Emeri “Arsenal” boshqaruviga 2018-yilning bahorida kelgandi. 2018/19-yilgi mavsumda uning jamoasi Yevropa Ligasi finaliga chiqqan va hal qiluvchi o‘yinda “Chelsi”ga yutqazib qo‘ygandi. O‘tgan mavsum “Arsenal” Angliya chempionatini 5-o‘rinda yakunladi.
Hozirda “kanonirlar” 18 ochko to‘plagan holda APL turnir jadvalida 8-o‘rinda bormoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)