O‘zbekiston Xalq ta’limi vazirligiga umumta’lim maktablarida ota-onalardan pul yig‘ib, turli xildagi turniketlar o‘rnatilishi va ularning talab asosida faoliyat yuritmayotgani bo‘yicha murojaatlar kelmoqda. Bu haqda vazirlik tomonidan ma’lum qilindi.
Qayd etilishicha, O‘zbekiston Prezidenti huzurida 2019-yil 23-avgustda yoshlarni vatanparvarlik ruhida tarbiyalash va jamiyatda o‘qituvchi mavqeini oshirish masalalariga bag‘ishlab o‘tkazilgan videoselektor majlisi bayonining 15-bandi bilan Xalq ta’limi vazirligiga ijtimoiy hamda mobil operator tarmoqlari orqali ota-onalarning o‘z farzandi tarbiyasidagi mas’uliyatini oshirishga qaratilgan ijtimoiy xabarlarni yuborish tizimini joriy etish vazifasi yuklatilgan.
Mavzuga doir: Toshkentdagi maktablarda turniket va kuzatuv kameralari o‘rnatish uchun ota-onalardan pul yig‘ilayotgani ma’lum bo‘ldi
Ta’kidlanishicha, ushbu yo‘nalishda xususiy sektor investitsiyalari jalb qilinib, elektron axborot tizimi tajriba-sinovdan o‘tkazilmoqda.
Vazirlik tajriba-sinovlar yakuniga qadar umumta’lim muassasalarida noqonuniy ravishda turniketlar va kuzatuv kameralari o‘rnatish niqobi ostida ota-onalardan pul yig‘ish to‘xtatilishi lozimligini ma’lum qildi.
Izoh (0)