Toshkent shahar Yong‘in xavfsizligi boshqarmasi fuqarolar hamda tashkilot, korxona va muassasalarning rahbarlariga isitish moslamalaridan foydalanishda xavfsizlik choralariga rioya etishga chaqirdi.
“Ob-havoning keskin sovib ketishi natijasida gaz hamda elektr isitish moslamalaridan foydalanishga bo‘lgan ehtiyoj ortib boradi. Bunday paytlarda ayrim fuqarolarning ehtiyotsizligi oqibatida ko‘ngilsiz hodisalar sodir bo‘lishi mumkin”, — deyiladi xabarda.
Mazkur hodisalarni oldini olish maqsadida gaz va elektr uskunalaridan hamda isitish moslamalaridan foydalanishda quyidagi yong‘in xavfsizligi talablariga rioya qilish zarur:
- Qo‘lbola va nosoz gaz hamda elektr isitish moslamalaridan foydalanmang;
- Tungi vaqt aholi turar joylarida o‘rnatilgan isitish tizimini nazoratdan qoldirmang;
- Oshxonada o‘rnatilgan tabiiy gazda ishlovchi plitalardan xonalarni isitish maqsadida foydalanmang;
- Isitish pechlari va ularning mo‘rilarini sozligiga, turli buyum va to‘siqlar bilan berkitilmasligiga hamda maxsus tashkilotlar tomonidan o‘z vaqtida tozalanishiga alohida e’tibor bering;
- Isitish moslamalaridan foydalanishda ularni ishlab chiqargan korxonaning tavsiya va yo‘riqnomasi talablariga rioya qiling;
- Isitish moslamalari yaqinida yonuvchan buyum va oson alangalanuvchi mahsulotlarni saqlamang;
- Gaz uskunalarni ulash tartib qoidalariga rioya qiling va ularga rezina shlangalar orqali ulanishga yo‘l qo‘ymang;
- Agarda gaz hidini sezsangiz, chiroq va uchqun chiqaruvchi moslamalardan aslo foydalanmang, darhol xonani shamollating hamda gaz xizmatiga xabar bering.
Izoh (0)