23 ноябрь, шанба куни Бирлашган Араб Амирликларининг энг катта шаҳарларидан бири бўлган Дубайда Туркманистон бош консуллигининг расмий очилиш маросими бўлиб ўтди. Бу ҳақда Туркманистон давлат ахборот агентлиги хабар берган.
Дубайдаги маросимда Туркманистон ташқи ишлар вазири Рашид Мередов ҳамда сентябрда консуллик раҳбарлигига тайинланган Ихлосгелди Аманов икки давлат ўртасидаги халқаро муносабатлар ҳақида илиқ фикрлар билдирган.
Муқаддам Ихлосгелди Амановнинг Туркманистон президенти Гурбангули Бердимуҳамедовнинг куёви экани ва унинг Дубайдаги мамлакат консуллигига раҳбарликка тайинлангани хабар қилинган.
«Гундогар» нашрининг ёзишича, Аманов Туркманистоннинг Германия, Бельгия ва Буюк Британиядаги элчихоналарида биринчи котиб лавозимида фаолият юритган.
Изоҳ (0)