“Qurol to‘g‘risida”gi O‘zbekiston Respublikasi qonunining yagona tizimga keltirilganligi fuqarolarning qurol bilan bog‘liq bilim va tushunchalarining mustahkamlanishiga olib keldi. Bu haqda Milliy gvardiya matbuot xizmati ma’lum qildi.
Mazkur qonunning 40-moddasiga ko‘ra, O‘zbekiston hududida fuqaroviy va xizmat quroli hamda uning o‘q-dorilari muomalasi ustidan davlat nazorati Milliy gvardiya organlari tomonidan amalga oshiriladi.
Shu asosda respublika bo‘ylab Milliy gvardiya organlari o‘z vakolatlari doirasida mamlakat fuqarolarining murojaatlarini qonuniy tarzda hal etib, qurol bilan to‘g‘ri muomalada bo‘lish hamda qonunning mazmun-mohiyatini tushuntirish ishlarini olib bormoqda.
Jumladan, joriy yil 19-noyabr kuni Guliston tumanida yashovchi X.Sodiqov o‘zi yashayotgan uyning tom qismi chordog‘ini tozalayotgan paytida marhum otasi S.Quvvatovga tegishli bo‘lgan IJ-18 ov qurolini topib olib, Sirdaryo viloyati Milliy gvardiya Nazorat-ruxsat berish faoliyati bo‘limi xodimlariga o‘z xohishi bilan topshirdi.
Izoh (0)