Bosh prokuratura huzuridagi departamentning Qoraqalpog‘iston Respublikasi hududiy bo‘limlari tomonidan o‘tkazilgan tergovga qadar tekshiruvlarda juda ko‘p miqdordagi soliqlarni to‘lashdan bo‘yin tovlash va savdo qoidalarini buzish holatlari aniqlandi. Bu haqda departament matbuot xizmati “Daryo”ga xabar berdi.
Ellikqal’a tumani bo‘limi tomonidan o‘tkazilgan tergovga qadar tekshiruvlarda “I.Q.L.” MChJ mansabdor shaxslari 2019-yilning 6 oyi davomida 5,6 milliard so‘mlik tovar aylanmasini amalga oshirib, 933,4 million so‘m qo‘shilgan qiymat solig‘ini to‘lashdan qasddan bo‘yin tovlaganligi hamda tovarlar sotuvidan tushgan 4,7 milliard so‘m naqd pul mablag‘larini bank muassasasiga topshirmasdan, juda ko‘p miqdordagi savdo qoidalarini buzganligi aniqlangan.
Nukus shahar bo‘limi tomonidan o‘tkazilgan tergovga qadar tekshiruvda “A-Q-Nukus” MChJ mansabdor shaxslari 2019-yilning 6 oyi davomida 2,7 milliard so‘mlik tovar aylanmasini amalga oshirib, 294,1 million so‘m qo‘shilgan qiymat solig‘ini to‘lashdan qasddan bo‘yin tovlaganligi hamda 2,4 milliard so‘m naqd pul mablag‘larini bank muassasasiga topshirmasdan, juda ko‘p miqdorda savdo qoidalarini buzganligi aniqlangan.
Nukus tuman bo‘limi tomonidan o‘tkazilgan tergovga qadar tekshiruvda “B.M.Q” MChJ mansabdor shaxslari 2019-yilning 6 oyi davomida 4,9 milliard so‘mlik tovar aylanmasini amalga oshirib, 306,5 million so‘m qo‘shilgan qiymat solig‘ini to‘lashdan qasddan bo‘yin tovlaganligi hamda 3,4 milliard so‘m naqd pul mablag‘larini bank muassasasiga topshirmasdan, juda ko‘p miqdorda savdo qoidalarini buzganligi aniqlangan.
Mazkur holatlar yuzasidan hududiy bo‘limlar tomonidan JKning 184 (Soliqlar yoki boshqa majburiy to‘lovlarni to‘lashdan bo‘yin tovlash) va 189-moddalari (Savdo yoki xizmat ko‘rsatish qoidalarini buzish) bilan jinoyat ishlari qo‘zg‘atilib, tergov harakatlari o‘tkazilmoqda.
Izoh (0)